Ghum e Husain ka jo Haqq tha wo adaa na kiyaa

Terey Husain pey rorokey gulbapaa na kiyaa

1) Faqat ye ashk hi marham hai terey zakhmo'n ke

Jo zakhm bharsakey itna Magar bukaa na kiyaa

Terey Husain pey rorokey gul bapaa na kiyaa

2) Tamaam umr kiyaa maatam e Husain Magar

Yu lagrahaa hai ke humney kabhi bapaa na kiyaa

Terey Husain pey rorokey gul bapaa na kiyaa

3) Kaleyja' thaamkey akbar pey roye hai bibi

Magar ye dil ko hai afsos dil phataa na kiyaa

Terey Husain pey rorokey gul bapaa na kiyaa

4) Masaayab e Ali Asgar sunaa jo majlis mey

Phir uskey baad kabhi laal ki dua na kiyaa

Terey Husain pey rorokey gul bapaa na kiyaa

5) Wahab to jaan lutaadi hai shaah e waala par

Aur eak my hoon yahaa'n ashk tak Fidaa na kiyaa

Terey Husain pey rorokey gul bapaa na kiyaa

6) Sunaa hai haatho'n ko katwaadiya tera Abbas

Aur hum ye sunkey bhi maatam koii badaa na kiyaa

Terey Husain pey rorokey gul bapaa na kiyaa

7) Terey Husain ko 1900 unnees sau they zakhm lagey

Aur itney aansu bhi aankho'n se hum rawaa na kiyaa

Terey Husain pey rorokey gul bapaa na kiyaa

8) Muaaaf karna aye bibi ke is baras bhi hum

Jo Haqq e Pursa' e Shabbir hai adaa na kiyaa

Terey Husain pey rorokey gul bapaa na kiyaa

9) Lagaaya logo'n ney paabandiya bohat *"Gaazi"*

Namaaz e ishq e Husaini Magar qazaa na kiyaa

Terey Husain pey rorokey gul bapaa na kiyaa