Haye Ali Maula Ali, Haye Ali Maula Ali
Haye Ali Maula Ali, Haye Ali Maula Ali
Nauha e Jibreel goonja haye ALI maare gaye-2
Kyu'n na ho ik Hashr barpa haye ALI maare gaye-2
Ab yatimi saayebaa'n hai SHABBAR O SHABBIR par
Zakhm kaari hai ye Qalb e ZAINAB E DILGIR par
Khu'n fisha'n hai Chashm e ZAHRA-2
haye ALI maare gaye
Nauha e Jibreel goonja haye ALI maare gaye-2
MURSAL E HAQ khaak udaate aaye turbat chhord kar
Kul malayek arsh se aaye Zami,n par nauhagar
Chain khota hai Zamana-2
haye ALI maare gaye
Nauha e Jibreel goonja haye ALI maare gaye-2
Khoon e Dil KULSUM ka hai deeda e Hassas me'n
Dard Ka toofa'n utha hai ik dil e ABBAS me'n
Marsiya karti hai'n FIZZA-2
haye ALI maare gaye
Nauha e Jibreel goonja haye ALI maare gaye-2
Sar do paara jo hua KHAIRUL WARA ka Momino'n
Tar hua tab Khoon me'n Chehra KHUDA ka Momino'n
Hil raha hai arshe A'ala-2 haye ALI maare gaye
Nauha e Jibreel goonja haye ALI maare gaye-2
Kaa'npte haatho'n se pehnaya kafan HASNAIN Ne
Ro Pade Kul AMBIYA Nauha Kiya kaunain Ne
Jaa'n bà lab hai Shehre-2 Kufa haye ALI maare gaye
Nauha e Jibreel goonja haye ALI maare gaye-2
Zaahiri Rukhsat Huwi Yu'n HAIDAR E KARRAR Ki
Khoo'n Maka'n Roya Bandhi Hichki dar o diwar Ki
Sogwaro'n ka hai Naala-2 haye ALI maare gaye
Nauha e Jibreel goonja haye ALI maare gaye-2
Har taraf chhaya Andhera Roshni khamosh hai
Kar rahi hai Maut nauha zindagi khamosh hai
Bain hai AHLE "WILA" ka-2
haye ALI maare gaye