Hussain Hussain Hussain

1. Musibaton me hai Hussain, Aziyaton me hai Hussain

Mashaqqaton me hai Hussain, Kin aafaton me hai hussain.

Wo dasht e Nainawa,  Waaye Waaye Waaye

Bala ka samena,         Waaye Waaye Waaye

Hussain Hussain Hussain.

2. Na Muslim ibn e Ausaja, na Jon o Wahb e ba safa(sachha)

Na hain Zohair e khush ada(nek kirdar), na ab Habib e ba wafa.

Ameer e be kasa, Waaye Waaye Waaye

Imam e inso ja,     Waaye Waaye Waaye.

Hussain Hussain Hussain.

3. Chala jo Qasim bin Hasan, Khezaon me tha gulbadan(phul jaisa badan)

Tha chaak band e pairahan(khula hua gareban), kafan ho jaise zeb e tan.(badan par kafan)

Wo tifl e mehlaqa(chand ka tukrha), Waaye Waaye Waaye

Sumo(ghorhe ke taap) me pis gaya, Waaye Waaye Waaye

Hussain Hussain Hussain.

4. Ajab hai waqt e imteha, sahar me jisne di aza

Usi ke seene par sina, tarhap raha hai naujawan.

Shabih e Mustafa, Waaye Waaye Waaye

Lahu lahu hua,    Waaye Waaye Waaye

Hussain Hussain Hussain.

5. Wo aarzu e Murtaza, jab apne ghorhe se gira

The bazu shaano se juda, do neem farq e ba wafa.(sar ke do hisse )

Wo mu ke bal gira,  Waaye Waaye Waaye

Sakeena ka chacha, Waaye Waaye Waaye

Hussain Hussain Hussain.

6. Rabab ka who mehjabi(chand si peshani), ghareeb maa ka naazni(nazo me pala)

Shaheed e teer e ahl e kee, ab apne jhoole me nahi

Pedar ka ladla,  Waaye Waaye Waaye

Shaheed ho gaya,  Waaye Waaye Waaye

Hussain Hussain Hussain.

7. Qateel e arz e karbala, aseer e dasht e nainawa

Shaheed e raah e kibriya(allah), hua hai zibha be khata

Ghareeb o be watan, Waaye Waaye Waaye

Parha hai be kafan,   Waaye Waaye Waaye

Hussain Hussain Hussain.

8. Behan ne ro ke di sada, teri ghareebi par fida

Tera na laasha uth saka, sada rahungi ghamzada

Tu be kafan raha, Waaye Waaye Waaye

Hui mai be rida, Waaye Waaye Waaye

Hussain Hussain Hussain.

9. Sakeena ki wo hichkiyan, wo mu pe khana seliya(tamache)

Hua lawo se khoo rawa, chhini jo uski baaliya.

Yateema par setam, Waaye Waaye Waaye

Ye sin ye dard o gham, Waaye Waaye Waaye

Hussain Hussain Hussain.

10. Wo nauha shamshad ne likha, hai qalb e momin ghamzada

Uthi jo matam ki sada, to arsh e aazam hil gaya,

Hain aankhen sab ki nam, Waaye Waaye Waaye

Rahe sada ye gham, Waaye Waaye Waaye

Hussain Hussain Hussain.