chala hun janibe kaaba Hussain kehte hue

khuda se aaj milon ga Hussain kehte huay

sipahi daudtay jatay hain janibe koofa

panah maang rahay thay ke kholo darwaaza

kiya hai ghazi ne hamla Hussain kehte hue

pul-e Siraat ka dar ho to ho bhala kaisay

zamana dekh le aashor karbalaa ja ke

guzarti jati hai duniya Hussain kehte hue

karenge khoon ka maatam baroze aashorah

khuda se hum ko isi wastay to manga gaya

hamein hai maaon ne paala Hussain kehte hue

adhoora chhod ke hajj karbalaa jo aaye thay

khaday hain gird woh bint-e Ali ke khaimay ke

tawaf karte hain poora Hussain kehte hue

kaha Hussain ne marna nahi habib abhi

ke karbalaa mein zaroorat padegi mujh ko teri

habib hogaya zindah Hussain kehte hue

agar ho ahle tawalla mitaao yeh tafriq

namaz ho ya Azaa mil ke honge saare shareek

uthao tum bhi qama ya Hussain kehte hue

yahi waseela hai saari duaon ka behtar

poukaro bhai ko bhai ka vaastaa day kar

Hasan se maang lo sadqa Hussain kehte hue

tamam ghar huwa khushiyon se aaj baagh o bahar

pidar ke samnay boli hai beti pehli baar

sakeena aayi hai baba Hussain kehte hue

hai mera sher wasiyat banam Ahle azaa

yeh iltija hai ke akbar ko aaye jab bhi qaza

uthana mera janaza Hussain kehte hue