Aaye jis waqt aseeron me wo tadfeen ke baad

Roke karte the yai aabide muztar faryaad

Aisi haalat me tha laasha Abbas ka,

Mai uthata raha wo bikharta raha - 2

Dadi Zahra ki paamal thi yu dua

Mai uthata raha wo bikharta raha

1. Maine chaha ke mayyat ko yakjaa rahe

Apne haathon se baazu chacha ke chune

Pattharon se laaeno ne maara unhe

tukde tukde muje baazu unke mile

Ek baazu bhi unka salamat na tha

2. Chaar su laash unki yu mujko mili

Jaise mayyat thi qasim ki bikhri hui

babajaan ne aba me use chunliya

ye bhi mumkin na tha haaye gurbat meri

Ek qaidi tha mai kaise laata aba

3. Apni haalat karu kis tarha se bayaan

Ek manzar pe meri bandhi hichkiya

pehluon per yu naizo ke kuch waar the

Yaad dadi ki aane lagi pasliya

yu shikasta tha laasha sambhalta na tha

4. Daayen jaanib se mayyat uthayi agar

Baayi jaanib kiya haddiyon ne safar

laash paamal lashkar ne is tarha ki

Sher ke tukde tukde hui thi qamar

Mere kaandhon pe laasha sambhal na saka

5. Run me ladte hue zeen se jab gira

Sar juda tan juda dono baazu juda

Mera battees barso ka kadyal jawaan

6 mahine ke asgar ke jitna bacha

Usko ghodo ne paamal aise kiya

6. Teer se jis ghadi run me paani baha

Aisa lagta tha ghazi ko aayi qaza

Misle ghazi tha mashkiza Abbas ka

na wo khayme gaya na ye khayme gaya

bawafa ka tha mashkiza bhi bawafa

7. Qaafela laut kar jab madine gaya

Haye akbar ye ummul baneen ne kaha

Mera Abbas maqtal me kaise lada

Beta Sajjad kya haal laashe ka tha

Roke sajjad bas ye hi kehta raha