jeeta mere baba ko khuda laaye to laaye

dewdi pa khadi rehti hoo mai aas lagaye

jeeta mere baba...

hajj karke phire ahle watan khair se ghar ko

par qibla o kaaba gaye kaabe se kidhar ko

zehra ka pisar suye madina nahi aaya

is chand ki royat ka mahina nahi aaya

dewdi pa khadi...

jeeta mere baba...

paida huwe asghar to payame ajal aaya

bhaiya ko na jee bhar ke galay se bhi lagaya

daakhil kahe din ab bhi na ghar may huwe nani

asghar ko cheh mahine safar may huwe nani

dewdi pa khadi...

jeeta mere baba...

bhoole se bhi kunbe ne na ek roz kiya yaad

mai inko faramosh hoo wo mujhko sada yaad

shab kaun siyaahi ke mai sona nahi bhooli

par yaad may maa baap ke rona nahi bhooli

dewdi pa khadi...

jeeta mere baba...

baba pe kate khair se ya rab ye mahina

hazrat se ladayi ka kahin ho na kareena

koofe ki taraf se jo hawa aati hai nani

sab kunbe ke rone ki sada aati hai nani

dewdi pa khadi...

jeeta mere baba...

kya jaane musafir mere us waqt kahan hai

lillaah ghareebon ka nigehban to jahan hai

roshan rahe dunya may charaghare abaaje

dil mera bujha jaata hai jhokon se hawa ke

dewdi pa khadi...

jeeta mere baba...

kyun aaj parinde nahi lete hai basera

un taayiro ke udne se hosh udta hai mera

bilkul ghazab o kehre ilaahi ki ghadi hai

kya jaaniye kis ghar pe tabahi ye padi hai

dewdi pa khadi...

jeeta mere baba...

khamosh dabeer ab ke qayamat ka hai aalam

shia koi be-hosh koi gham may hai is dam

jab tak chaman e bazm ki bunyaad rahegi

rangeen sukhani sab ko teri yaad rahegi

dewdi pa khadi...

jeeta mere baba...