Kaha se layegi duniya Hussain ke jaisa

Faqat Hussain milega Hussain ke jaisa

Ibaadato ka to jaari hai silsila abtak

Namaz ko wo namazi nahi mila abtak

Kare jo khaak pe sajda Hussain ke jaisa

Khuda bhi naaz kare fakhre aalameen bane

Hai us rasool ka haq shah e mursaleen bane

Hai Jis nabi ka nawasa Hussain ke jaisa

Diler maan rahi hai shuja'ate tumko

Salaam karti hai Asgar shahadate tumko

Hai 6 mahine me jazba Hussai  ke jaisa

Shikast kiski hai maidan me faisla karle

Daleele chod de aaja mubahila karle

Hai tere paas to le aa Hussain ke jaisa

Nusairiyo  se kaho chhod de ba zid hona

Qubul kaise karega wo lam yalud hona

Jise naseeb ho beta Hussain ke jaisa

Khuda hi jaane ke Abbas kya hai shaan teri

Ye manzilat ye sa'adat kise naseeb hui

Tujhe samajhti hai Zehra Hussain ke jaisa

Sikha gai hai ye duniya ko saaniye zehra

Yahi aqeeda hai mukhtar aur Takallum ka

Kaha hai vird koi aa Hussain ke jaisa