Sayyeda, Fatema, Tahira, Raziya, Marziya

Sayyeda, Fatema, Tahira, Fatema, Fatema

Markaz e hal ataa, Fatema, Fatema..(2)

Aayat e hal ataa, Fatema, Fatema

Markaz e hal ataa, Fatema, Fatema

1. Bola suraj palat kar ali ya ali

chand ne di sadaein nabi ya nabi

taara kehta raha Fatema, Fatema

2. Waqt e mushkil padhi sab ne nade ali

aur ali par padhi jab bhi mushkil koi

bole mushkil kusha Fatema, Fatema

3. Hogayi jis ghadi aayatein ek jaa'n

uski nisbat se sab ka ta'arruf hua

roohe ehle kisa Fatema, Fatema

4. Hogaya shamil e ehlebayt e nabi

baat salman ko jab samajh aagayi

hai hijab e khuda Fatema, Fatema

5. Naar se noor ki simt hurr aagaya

ek nuqt ne mujrim se meram kiya

aur wo nuqta hai kya Fatema, Fatema

6. Baat qur'aa ke lehje mein karne lagi

uske haq mein bhi aayat utarne lagi

wird fizza ka tha Fatema, Fatema

7. Muttafiq hai yaha'n saare ehle nazar

kuch na hota kahi ye na hoti agar

kun ka matlab hai kya Fatema, Fatema

8. Ek nazar bhi nazar se milayi nahi

maut ghar mein takallum ke aayi nahi

jab se darr par likha Fatema, Fatema