Saqi-e-Mann Abu Turab Ali
Kul-e-eeman Ain Qur’an
Fakhr-e-Mahtab Ali
Saqi-e-Mann Abu Turab Ali
Kahan insan ko samajh tera maqam aata hai
Tujh pe Haider mere khaliq ka salam aata hai
Pehli saf mein na sahi aakhri saf mein hi sahi
Tere rindon mein kahin mera bhi naam aata hai
Daftar-e-haq jo khangale to yeh maloom hua
Ba’d-e-Ahmad mere Haidar ka hi naam aata hai
Bistar-e-khatm-e-Risaalat nahi rehta khali
Jab nabuwat kahin jati hai imam aata hai
Kon laye tera jawab Ali
Saqi-e-Mann Abu Turab Ali
Rind tera teri rindi pe kyun na naaz kare?
Jaam tera to zamane se be-niyaz kare
Teri hi zaat-e-mubeen hai ke jis ka naam faqat
Kharay mein aur munafiq mein imtiaz kare
Ye un ke khoon ka mas’ala hai warna kyun koi?
Mere Ali ki wilayat pe etiraaz kare
Ruku mein aaye sawali to sun Ada-e-Ali
Ke wo zakat ada bar-sar-e-namaz kare
Hai misali tera shabab Ali
Saqi-e-Mann Abu Turab Ali
Teri dargah ki aseeri se sukhan-war bhi hue
Meesam-o-Qambar-o-Salman-o-Abuzar bhi hue
Ghaus-o-Abdal-o-Qutab Khwaja Qalandar bhi hue
Hadd to ye hai keh tumhi se wo bahattar bhi hue
Jaam-e-jam lakh fana Haidari paimane mein
Aatish-e-haq hai ayan Safdari parwane mein
Tere maston ko Ali kab hai gharaz duniya se?
Ik alag duniya hai basti tere mastane mein
Hai Wilayat ka aftab Ali
Saqi-e-Mann Abu Turab Ali
Ali Ali Maula Ya Ali Ali Maula
[chorus]
Dildar-e-Kibriya-o-Muhammad ho tum Ali
Ashaab-e-Mustafa ke bhi Maula ho tum Ali
Mushkil mein kyun Ali ko pukare na zamana?
Khyber mein Mustafa ne pukara hai Ya Ali
Hijrat ki shab Ali ne guzaari hai is tarah
Duniya samajh na paai Muhammad hain ya Ali
Ejaz-e-Mustafa mein shariyat khadi rahi
Darwaza-e-Zahra pe Risaalat khadi rahi
Dosh-e-Nabi pe sajde mein aa kar charhe Hussain
Bethe rahe Hussain ibadat khadi rahi
Maula-e-dojahan ko hukumat se kya gharaz
Thokar mein jis ke hashmat-o-sarwat padi rahi
Ta Surat-o paiwand-e jahan bood Ali bood
Ta naqsh-e zamin bud o zaman bood Ali bood
Shahi ke wali bood o wasi bood Ali bood
Sultan-e sakha-o karam-o jood Ali bood
An shah-e-sar-afraz ke andar shab-e-meraj
Ba Ahmed-e-mukhtar yak-e-bood ali bood
An Lahmuka lahmi bishinau ta ke bidani
An yarr ke-oo nafs-e-Nabi bood Ali bood
Ali Shah e Haider Imaman kabira
Ke baad az Nabi shud basheeran nazira
Ali ibn-e-am-e-Muhammad Rasool ast
Choon Musa akhi guft Haroon wazira
Ali auliya ra daleel ast bar haq
Ali ambiya ra wali-an-naseera
Muhibb-e-Ali jannati baad-e-murdan
Buwad aiman az khauf e munkir nakira
Zahe izzo jalale bu-turab-e-fakhr-e-insane
Ali-e-Murtaza Mushkil kusha-e-sher-e-yazdane
Wali-e-haq Wasi-e-Mustafa darya-e-faizane
Imam-e-do-jahan-e-qibla-e-deene wa imaane
Ameer-e-kishwar-e-faqr-e-shah-e-iqleem-e-irfane
Khuda goye Khuda beene Khuda daane Khuda shane
Payambar bar sar-e-mimbar nashist-o-khvaand maulayash
Ke ta maulayash ra bashad andar khalq burahane
Han qismat mein likhi hai us ki zalalat
Jo rakta hai dil mein Ali se adawat
Ali se adawat Khuda se baghawat
Kase ra mayassar na shud een sa’adat
Ba ka’ba wiladat ba masjid shahdat
Atta hai lab se nikalna ke Haideri hun mein
Tere amal se na jhalke Ali to kya hasil
Milen ge naa’ra-figan bahut, “Hum Hussaini hain”
Yazid-e-waqt pachhaada nahin to kya hasil
Ghurur-e-ilm se labraiz Mufti-o-mulla
Teri nigah mein panjtan nahin to kya hasil
Kahan ki teri ibadat kahan ke sajday hain
Basi na dil mein Ali ki vila to kya hasil
Kya ho gaya hai haal-e-musalman kya kahoon
Hain pur-malal Ya Ali ahwal kya kahoon
Zahir hai paraganda to batin bhi siyah hai
Kehne ko magar ummat-e-mehboob-e-Khuda hai
Ehsas ki dawlat hai na kuch ghairat-e-eeman
Na barq hai seenon mein na himmat na vaza hai
Taajir hain zameeron ke sar-e-aam musalmaan
Haq baat kahoon in se to murda bhi bhala hai
Na sift-e-khafi in mein na ausaf-e-jali hain
Bolen ge to aise ke zamane ke wali hain
Be-khabar hain khud se to jahan bhar ki khabar hai
Khali hain amal se magar auron ki fikr hai
Afkaar jawanon ke zaboon-haal hain Maula
Shaheen ki dosheeza-e-maghrib pe nazar hai
Hai Dukhtar-e-Islam-e-mubeen nafs ki laundi
Afsos ke wo zeenat-e-har raah-guzar hai
Zahid ka zohd hai to dikhane ke liye hai
Mufti ka hai fatwa to kamane ke liye hai
Lagu hain kahan us pe ye ahkam-e-shariyat
Naseh ki nasihat to zamane ke liye hai
Haider si sakhawat na alamdar si jurrat
Hasnain si shaukat hai, na akbar si basarat
Abid si ibadat hai, Na Jafar si sadaqat
Zahra si taharat hai na zainab si balaghat
Thukra ke hum ne qaul-e-Nabi zee-maqam ko
Thama hai hum ne Ya Ali har khas-o-aam ko
Chorha Ali tujhe teri itrat se katt gaye
Phir yun hua ke hum to tehattar mein batt gaye
Dushwaar hai is halat-e-bad-haal mein rehna
Ya Haider-o-Safdar ye Khuda Pak se kehna
Parwardgar waqt-e-zahoor-e-imam a.s. hai
Pasti mein deen-e-AhmAd-e-Khair-ul-inam hai