sarwar ke azadar - 6
mazloom ki talwar - 2 sarwar ke azadar
hai deen ke madadgar sarwar ke azadar - 2
1. Allah ne jab khalq ke meyaar banaye
jo zarf kushada the wo sardar banaye
sardar me kuch sahibe anwaar banaye
anwaar tarashe to azadar banaye
Ab jo mere maula ka azadar nahi hai
khudse zara soche ke wo bakaar nahi hai
2. Takhleeq ki tarkeeb me hai 4 anaseer
sab hai mere maula ke azadar anaseer
is waaste hai sahibe asraar anaseer
khud karte hai is baat ka iqraar anaseer
na aag na paani se na mitti se hawa se
hum khalq hue fatima zehra ki dua se
3. sach hai ke nazar ho to hate ayb nazar ka
mausam to kabhi dekhiye tauheed nagar ka
maghmoom fiza surkh shafaq huzn sahar ka
kaala hai gilaaf isliye Allah ke ghar ka
tauheed parastaare wali ibne wali hai
khaaliq bhi azaadare husain ibne ali hai
4. kis zarf ka haamil hai azadar ka sina
na bughz na ilhaad na ohaam na kina
hai karbobala ka yaha aabad madina
is shehr me dushwaar hai agyaar ka jina
sine pe jo maatam ki ye tehreeq chali hai
sine me hai dil dil me hussain ibne ali hai
5. hum sino pe maatam se banate hai musalle
hoti hai azaan jab to sajate hai musalle
maatam ke julooso me bichaate hai musalle
khud apni zubaa se ye batate hai musalle
sajdo me bhi shabbir ko rota hai namazi
shabbir ka har matami hota hai namazi
6. uthta hai jo maatam ko azadar ka panja
tehzeeb ke sine pe hai afqaar ka panja
5 ungliya hai 5 ke iqraar ka panja
har duar me har zulm ke inqaar ka panja
islam ki buniyad ka dhaancha bhi yahi hai
rukhsaare yazidi pe tamacha bhi yahi hai
7. Hubdaar ki aankhon me hai rehmat ke zakhire
palko me chupe hai kahi ashko ke jazeere
jab kohe basirat se utarte hai ye hire
ho jaate hai tabdil muqaddar ke vatire
sidra se azadar ko aati ye sada hai
is jins ka mehshar me kharidar khuda hai
8. Ek ashk se ho jaati hai saason ki taharat
ek ashk se buj jaati hai dozakh ki hararat
ek ashk se kar sakte ho jannat ki tijarat
ek ashk se hojaati hai maula ki ziyarat
aankhon ko agar rone ki aadat nahi hogi
turbat me bhi maula ki ziyarat nahi hogi